పోలీసులకు ఎన్​95 మాస్కుల పంపిణీ

ఫ్రంట్​ లైన్ వారియర్స్ అయిన పోలీసులకు ఆదిత్య చారిటబుల్ ట్రస్ట్ సభ్యులు ఎన్​95 మాస్కులను అందజేశారు. ప్రజలందరూ లాక్​డౌన్ నిబంధనలను పాటించి పోలీసులకు సహకరించాలని కోరారు.

ఇంతటి విపత్కర సమయంలోనూ తమ వంతుగా ప్రజలకు సహాయ పడుతున్న పోలీసులకు ఆదిత్య చారిటబుల్ ట్రస్ట్ ఆధ్వర్యంలో ఎన్​95 మాస్కులను పంపిణీ చేశారు. ట్రస్టు సభ్యులు నందు వ్యాస బిలాల్, పూజా వ్యాస బిలాల్​లు హైదరాబాద్ వెస్ట్ జోన్ ఇన్​ఛార్జీ ఏఆర్ శ్రీనివాస్​కు మాస్కులను అందజేశారు. ఈ కార్యక్రమంలో మరికొంత మంది ట్రస్ట్ సభ్యులు, పోలీసు అధికారులు పాల్గొన్నారు.

ప్రజలందరూ అత్యవసరమైతే తప్ప ఇళ్ల నుంచి బయటకు రాకూడదని హైదరాబాద్ వెస్ట్ జోన్ ఇన్​ఛార్జీ ఏఆర్ శ్రీనివాస్ తెలిపారు. నిత్యావసర సరుకుల కోసం వెళ్లినా మాస్కు ధరించి, భౌతిక దూరం పాటించాలని సూచించారు.

ఇవీ చదవండి:నేడు, రేపు కొవిడ్‌ వ్యాక్సినేషన్‌ నిలిపివేత