గోపాలపురం పోలీస్​ స్టేషన్​ను సందర్శించిన నగర అదనపు కమిషనర్

సికింద్రాబాద్​ రైల్వే స్టేషన్​ పరిధిలోని గోపాలపురం పోలీస్​ స్టేషన్​ను నగర అదనపు కమిషనర్​ చౌహాన్​ సందర్శించారు. రైల్వే స్టేషన్​ పరిసరాల్లో చేపడుతున్న భద్రతా చర్యలను అధికారులను అడిగి తెలుసుకున్నారు.

నిత్యం ప్రయాణికులతో రద్దీగా ఉండే సికింద్రాబాద్ రైల్వే స్టేషన్ ప్రాంతంలో భద్రత మరింత పెంచేందుకు గోపాలపురం పోలీసులు కృషి చేస్తున్నట్లు నగర అదనపు కమిషనర్ చౌహాన్ తెలిపారు. గోపాలపురం పోలీస్ స్టేషన్​ను సందర్శించిన ఆయన.. వారి పనితీరును, రికార్డులను పరిశీలించారు.

స్టేషన్​కి వచ్చే బాధితుల సమస్యలను తెలుసుకుని వెంటనే కేసులు చేసి పరిష్కారం దిశగా ముందుకు సాగాలని సూచించారు. పెండింగ్​ కేసులను కూడా త్వరగా పరిష్కరించేందుకు కృషి చేయాలన్నారు. ఇలాంటి రద్దీ ప్రదేశంలో ప్రయాణికుల అవసరాల మేరకు భద్రత కల్పించాల్సిన బాధ్యత పోలీసులపై ఉందని గుర్తు చేశారు.

ఇదీ చూడండి: 'తెలంగాణ ఆర్టీసీకి మా అనుమతి లేదు'