అశ్లీల చిత్రాలకు సంబంధించిన కేసులో ప్రముఖ నటి శిల్పా శెట్టి భర్త, వ్యాపారవేత్త రాజ్‌ కుంద్రాను(Raj Kundra) ముంబయి పోలీసులు సోమవారం అరెస్ట్ చేశారు. అశ్లీల చిత్రాలను నిర్మించి పలు ఆప్‌ల ద్వారా వాటిని విడుదల చేస్తున్నారని తెలిసి గత ఫిబ్రవరిలో ముంబయి క్రైమ్‌ బ్రాంచ్‌ పోలీసులు కేసు నమోదు చేశారు. ఈ కేసుకు సంబంధించి కీలక ఆధారాలు మా దగ్గర ఉన్నాయని, ఈ కేసులో ప్రధాన కుట్రదారుగా రాజ్‌కుంద్రాను కనిపిస్తున్నాడని ముంబయి పోలీస్‌ కమిషనర్‌ తెలిపారు. అయితే తాను ఏ తప్పు చేయలేదని రాజ్‌కుంద్రా పేర్కొన్నారు. అనంతరం ముందస్తు బెయిల్‌ కోసం దరఖాస్తు చేశాడు.
అశ్లీల చిత్రాల వ్యవహారంలో ప్రముఖ నటి భర్త అరెస్ట్... - రాజ్‌కుంద్రా అరెస్ట్
నటి శిల్పాశెట్టి భర్త ప్రముఖ వ్యాపారి రాజ్‌కుంద్రా(Raj Kundra)ను ముంబయి పోలీసులు అరెస్ట్ చేశారు. అశ్లీల చిత్రాలు యాప్‌ల ద్వారా విడుదల చేసినట్లు ఆరోపణల నేపథ్యంలో ఆయన్ను పోలీసులు విచారించారు.
రాజ్‌కుంద్రా అరెస్ట్
రాజ్‌ కుంద్రా 2009లో శిల్పాశెట్టిని వివాహం చేసుకున్నారు. 2012లో వారికి వియాన్‌ జన్మించాడు. గతేడాది వారు సరోగసి ద్వారా సమిష అనే పాపకు జన్మనిచ్చారు. జేఎల్‌ స్ట్రీమ్‌ యాప్‌ యజమాని అయిన రాజ్‌ కుంద్రా ఇండియన్‌ ప్రీమియర్‌ లీగ్‌ క్రికెట్‌ టీం రాజస్థాన్‌ రాయల్స్‌కు సహ యజమానిగా ఉన్నారు. 2013లో సంచలనం సృష్టించిన ఐపీఎల్‌ బెట్టింగ్‌, స్పాట్‌ ఫిక్సింగ్‌ కేసులో దిల్లీ పోలీసులు రాజ్‌ కుంద్రాను ప్రశ్నించారు.
ఇదీ చదవండి: Koushik Reddy: తెరాస గూటికి కౌశిక్ రెడ్డి.. రేపే చేరిక