"నిబంధనలు పాటిస్తే రోడ్డు ప్రమాదాలు నివారించొచ్చు"

రోడ్డు ప్రమాదాలను రహదారి భద్రత అవగాహన కార్యక్రమాల ద్వారా నివారించవచ్చని సైబరాబాద్ సీపీ సజ్జనార్ తెలిపారు. ఈ మేరకు హైదరాబాద్ గచ్చిబౌలి స్టేడియంలో వాక్ ఏ థాన్ నిర్వహించారు.

సీట్ బెల్టు, హెల్మెట్ ధరించడం, ఓవర్ స్పీడ్​ కంట్రోల్ లాంటివి పాటిస్తే ప్రమాదాలు తగ్గుతాయని సైబరాబాద్ కమిషనర్ సజ్జనార్ తెలిపారు. సైబరాబాద్ పోలిస్, సొసైటీ ఫర్ సైబరాబాద్ సెక్యూరిటీ కౌన్సిల్ ఆధ్వర్యంలో రోడ్ సేఫ్టీపై గచ్చిబౌలి స్టేడియంలో వాక్ ఏ థాన్ నిర్వహించారు. కార్యక్రమానికి ముఖ్య అతిథిగా హాజరైన సైబరాబాద్ సీపీ సజ్జనార్, ఎస్​సీఎస్​సీ అధ్యక్షుడు భరణిలు నడకను ప్రారంభించారు. వెయ్యికి పైగా పోలీసులు, ఐటీ ఉద్యోగులు రహదారి భద్రత నడకలో పాల్గొన్నారు. పోలీస్ సంస్కరణ వారోత్సవాల్లో భాగంగా ఓపెన్ హౌస్​ ఏర్పాటు చేశారు. ప్రతిఒక్కరూ అరగంటపాటు నడక అలవాటు చేసుకోవాలని..అప్పుడే ఆరోగ్యంగా ఉంటారని సీపీ అన్నారు.

ఇవీ చూడండి : పట్టువీడని ఆర్టీసీ కార్మికులు.. 16వ రోజుకు సమ్మె