ACB raids: ఎగ్జిబిషన్ సొసైటీ కార్యాలయంలో కొనసాగుతున్న ఏసీబీ సోదాలు

నాంపల్లి ఎగ్జిబిషన్ సొసైటీలో ఏసీబీ తనిఖీలు కొనసాగుతున్నాయి. మూడు రోజులుగా కొనసాగుతున్న తనిఖీల్లో అధికారులు కీలక దస్త్రాలు స్వాధీనం చేసుకున్నారు.

నాంపల్లి ఎగ్జిబిషన్ సొసైటీ కార్యాలయంలో అవినీతి నిరోధక శాఖ తనిఖీలు కొనసాగుతున్నాయి. మూడురోజులుగా జరుగుతున్న తనిఖీల్లో అధికారులు కీలక రికార్డులు స్వాధీనం చేసుకున్నట్లు తెలుస్తోంది. ఏటా జరిగే పారిశ్రామిక ప్రదర్శనలో 3 వేలకు పైగా దుకాణాలు అద్దె ప్రతిపాదికన కేటాయిస్తుంటారు.

కొన్ని ఏళ్లుగా జరుగుతున్న కేటాయింపులు సహా.. 7 అంశాల్లో అక్రమాలు జరిగినట్లు ఇటీవల ఏసీబీ అధికారులకు ఫిర్యాదు అందింది. రంగంలోకి దిగిన అధికారులు రికార్డుల నిర్వహణ, ఆడిటింగ్, బ్యాంకు లావాదేవీలు వంటి అంశాలపై సమాచారం సేకరిస్తున్నారు. మరో రెండ్రోజులపాటు రికార్డుల పరిశీలన కొనసాగుతుందని సమాచారం.

ఇదీ చదవండి: ఎగ్జిబిషన్ సొసైటీలో అవకతవకలు జరిగినట్లు ఫిర్యాదు: అనిశా డీఎస్పీ