అభ్యర్థుల ఎంపికపై ఆలస్యమయ్యే అవకాశం రాష్ట్రంలో కాంగ్రెస్ లోక్సభ అభ్యర్థుల ఎంపికఇంకా కొలిక్కి రాలేదు.టీపీసీసీ ఎన్నికల కమిటీ సిద్ధం చేసిన జాబితాను ఉత్తమ్‌ కుమార్‌ రెడ్డి, సీఎల్పీ నేత భట్టి విక్రమార్క ఏఐసీసీకి అందజేశారు. కాంగ్రెస్ అధిష్ఠానం సమావేశమై అభ్యర్థులపై తుది నిర్ణయం తీసుకోవాల్సి ఉంది.
50 మంది పేర్లున్న జాబితాపై సుదీర్ఘంగా చర్చించాల్సి ఉండడం వల్ల మరికొంత సమయం పడుతుందని తెలుస్తోంది. భారత్-పాక్ సరిహద్దుల్లో నెలకొన్న ఉద్రిక్త పరిస్థితులు కారణంగా ఎంపిక జాప్యం అయ్యే అవకాశం ఉందని కాంగ్రెస్ వర్గాలు పేర్కొన్నాయి.
ఇవీ చదవండి:తెరాస సమావేశాలు వాయిదా
ఎమ్మెల్యే కోటా ఎమ్మెల్సీ ఎన్నికలకు నామినేషన్లు రేపే చివరి రోజు కావడంతో ఈ రాత్రి అభ్యర్థిని ప్రకటించే అవకాశం ఉందని సమాచారం. మొత్తం 33 మంది ఆశావహులలో మాజీ ఎమ్మెల్సీ పొంగులేటి సుధాకర్ రెడ్డి, పీసీసీ కోశాధికారి గూడూరు నారాయణ రెడ్డి మధ్యనే పోటీ ఉన్నట్లు తెలుస్తోంది.
