నిన్నటి వరకు ఐఏఎస్​... నేటి నుంచి కర్షకుడు

ఐఏఎస్​ అధికారిగా పలు పదవులు అలంకరించిన ఆయన... ప్రస్తుతం వ్యవసాయ పనులు చేసుకుంటున్నారు. పదవీ విరమణ అనంతరం... స్వగ్రామానికి చేరుకుని పొలం పనుల్లో నిమగ్నమయ్యారు.

నిన్నటి వరకు ఐఏఎస్ హోదాలో బిజీగా గడిపిన ఆ అధికారి ఇప్పుడు వరి నూర్పిడి పనుల్లో పాల్గొని సాగుపై తనకున్న మమకారం చాటుకున్నారు. ఏపీ రాష్ట్ర పునరావాస కమిషనర్​గా పనిచేసిన తమర్భ బాబురావు నాయుడి స్వగ్రామం విశాఖ జిల్లా పాడేరు మండలం డోకులూరు.

ఏపీలోని ఆదివాసీలలో తొలి ఐఏఎస్ అధికారిగా గుర్తింపు పొందిన ఆయన... పలు పదవులు చేపట్టారు. కడప జిల్లా కలెక్టర్​గా, విశాఖపట్నం ఉడా ఛైర్మన్​గా సేవలందించారు. 2020 డిసెంబర్ 31న పదవీ విరమణ చేశారు. ఆ వెంటనే స్వగ్రామానికి చేరుకుని పొలం పనుల్లో నిమగ్నమయ్యారు

ఇదీ చదవండి:ప్రజా సమస్యల పరిష్కారం అయ్యే వరకు పోరాటం ఆగదు: కోదండరాం