'సెటిల్​మెంట్​ చేసుకోకపోతే.. చంపేస్తానన్నారు'

తన భూ వ్యవహారంలో జోక్యం చేసుకుంటున్నారని ఎస్సార్​నగర్​కు చెందిన ఓ వ్యక్తి... టాస్క్​ఫోర్స్​ పోలీసులపై హైదరాబాద్​ సీపీ అంజనీ కుమార్​కు ఫిర్యాదు చేశాడు.

టాస్క్​ఫోర్స్​ పోలీసులపై ఎస్సార్​నగర్​కు చెందిన సుమన్​... హైదరాబాద్​ నగర సీపీ అంజనీకుమార్​కు ఫిర్యాదు చేశాడు. భూ వ్యవహారంలో టాస్క్​ఫోర్స్​ పోలీసులు జోక్యం చేసుకుని సెటిల్​మెంట్​ చేసుకోవాలని ఒత్తిడి చేస్తున్నారని ఫిర్యాదులో పేర్కొన్నాడు.

టాస్క్​ఫోర్స్​ డీసీపీ రాధాకిషన్​రావు తనను బలవంతంగా అదుపులోకి తీసుకుని సెటిల్​మెంట్​ చేసుకోవాలని భయపెట్టారని సుమన్​ ఆరోపించాడు. అలా చేయని పక్షంలో తనపై అక్రమ కేసులు పెడతానంటూ బెదిరించారని తెలిపాడు. తనకు న్యాయం చేయాలని సీపీ అంజనీ కుమార్​ను కోరాడు.

• ఇదీ చూడండి: నిర్భయ: న్యాయం కోసం ఈ నెల 18 వరకు ఆగాల్సిందేనా?