ఉపసభాపతిపై నమోదైన కేసు కొట్టివేత

తెలంగాణ శాసనసభ ఉపసభాపతి తీగుల్ల పద్మారావుగౌడ్​పై నమోదైన కేసును న్యాయస్థానం కొట్టివేసింది. 2018 సార్వత్రిక ఎన్నికల్లో అనుమతి లేని కరపత్రాలను పంపిణీ చేశారంటూ ఆయనతో సహా మరో నలుగురిపై తుకారంగేట్ పోలీస్​స్టేషన్​లో కేసు నమోదైంది.

2018 సాధారణ ఎన్నికల సమయంలో తెలంగాణ శాసనసభ ఉపసభాపతి తీగుల్ల పద్మారావుగౌడ్​పై నమోదైన కేసును న్యాయస్థానం బుధవారం కొట్టివేసింది. ఎన్నికల ప్రచారంలో భాగంగా అడ్డగుట్ట ప్రాంతంలో అనుమతి లేని కరపత్రాలను పంపిణీ చేశారంటూ ఎన్నికల అధికారులు ఫిర్యాదు చేశారు.

దీంతో ఆయనతో పాటు మరో నలుగురిపై తుకారంగేట్ పోలీస్​స్టేషన్​లో కేసు నమోదైంది. దీనిపై దర్యాప్తు చేసిన పోలీసులు ప్రత్యేక న్యాయస్థానంలో వారిపై నేర అభియోగపత్రం దాఖలు చేశారు. ఈ కేసును విచారణ చేపట్టిన ప్రత్యేక న్యాయస్థానం ఉపసభాపతితో పాటు మరో నలుగురిపై కేసును కొట్టివేస్తున్నట్లు తీర్పు వెలువరించింది.

ఇదీ చూడండి:నువ్వు నిరూపిస్తే నేను రాజీనామా చేస్తా: మంత్రి హరీశ్​