A Boy Suicide at My home Apartment Madhapur : 34వ ఫ్లోర్​ నుంచి దూకి ఆత్మహత్య చేసుకున్న బాలుడు.. ఎందుకంటే..

A Boy Suicide at My home Apartment Madhapur : 15 సంవత్సరాలు ఉన్న బాలుడు తాను చనిపోతున్నాను అని తన తల్లికి మెసేజ్​ పెట్టాడు. ఆ మెసేజ్​ చూసి ఆ తల్లి వారు నివసిస్తున్న ప్రదేశాన్ని అంతటా వెతికింది. చివరికి ఎక్కడా తన కుమారుడు ఆచూకీ తెలియలేదు. దీంతో స్థానిక పోలీస్​ స్టేషన్​లో ఫిర్యాదు చేసింది. దీంతో పోలీసులు విచారించారు. విచారణలో ఏమి తెలిసిందంటే..?

A Boy Suicide at My home Apartment Madhapur: హైదరాబాద్​లోని మైహోం అపార్ట్​మెంట్​లో 15 సంవత్సరాల విద్యార్థి ఆత్మహత్య చేసుకున్నాడు. దీనికి గల కారణాలను తెలుసుకునేందుకు పోలీసులు దర్యాప్తు చేస్తున్నారు. మాదాపుర్​ ఏసీపీ శ్రీనివాస్​ తెలిపిన వివరాల ప్రకారం.. హైదరాబాద్​లోని మై హోం అపార్ట్​మెంట్​లో హెచ్​ బ్లాక్​లో సురేష్​రెడ్డి భార్య తమ కుమారుడు రేయాన్ష్​ రెడ్డి(15) నివసిస్తున్నారు. సోమవారం రేయాన్ష్​ తన తల్లికి చనిపోతున్నానని చరవాణికి మెసేజ్​ పంపించాడు. అందులో తాను పర్సనల్​ కారణాల వల్ల ఆత్మహత్య చేసుకుంటున్నాను అని ఉంది. ఈ మెసేజ్​ చదివిన తల్లి కుమారుడు కోసం చుట్టుపక్కల ఉన్న ప్రదేశాల్లో వెతికింది. ఎంత గాలించిన ఆచూకీ దొరకలేదు. చివరికి స్థానిక పోలీస్​ స్టేషన్​లో ఫిర్యాదు చేసింది. దీనిపై కేసు నమోదు చేసుకున్నారు.

ACP Srinivas on Boy Suicide Case in Madhapur : సమాచారం తెలుసుకున్న పోలీసులు విచారణ నిమిత్తం.. మైహోమ్స్​ అపార్ట్​మెంట్​ని పరిశీలించారు. బాలుడు కనిపించలేదని నిర్ధారించకా.. అపార్ట్​మెంట్​లో ఉన్న సీసీ కెమెరాలను చూశారు. అందులో ఆ బాలుడు బయటకి వెళ్లలేదని తెలుసుకున్నారు. ఆ అపార్ట్​మెంట్​లోనే ఉన్నాడని.. మరింతగా గాలింపు చర్యలు చేపట్టారు. పోలీసులు అన్ని బ్లాక్​లు పరిశీలించని తరువాత.. ​ముడో గేట్ ఎంట్రన్స్​లోని జే బ్లాక్​ డక్ ఏరియాలో విద్యార్థి మృతదేహాన్ని గుర్తించారు.

A BOY Suicide at Madhapur in Hyderabad: విద్యార్థి మృతదేహాన్ని పోలీసులు పరిశీలించగా.. సోమవారం రాత్రి సుమారు 7:30కి ఆత్మహత్య చేసుకున్నట్లు ప్రాథమికంగా అంచనాకి వచ్చారు. జే బ్లాక్​లోని 34వ ఫ్లోర్​ నుంచి దూకి బలవన్మరణం చేసుకున్నట్లు పోలీసులు భావిస్తున్నారు. ఆన్​లైన్ గేమ్స్​కు బాసినకావడం, చదువులో ఒత్తిడి వల్లే చనిపోయి ఉండాడని అంతా భావిస్తున్నారు. అయితే చదువుపై ఒత్తిడి, ఆన్​లైన్​ గేమ్స్​.. ఇలాంటి ఏవి తమ దృష్టికి రాలేదని ఏసీపీ స్పష్టం చేశారు.

అయితే విద్యార్థి ఆత్మహత్యనే? కాదా? చనిపోడానికి కారణాలు ఏమిటి? చనిపోడానికి ఎలాంటి పరిస్థితులు దోహదం చేశాయి? తల్లితో పాటు చివరి సారి ఇంక ఎవరికైనా మెసేజ్​ పంపించాడా? పలు కోణాల్లో దర్యాప్తు చేస్తున్నామని ఏసీపీ శ్రీనివాస్​ తెలిపారు. విద్యార్థి తండ్రి ఓ ఫైనాన్స్​ కంపెనీలో పనిచేస్తున్నాడు. ముంబయి నుంచి గత సంవత్సరం హైదరాబాద్​కి వచ్చారు.

"తన కుమారుడు కనిపించలేదని బాలుడు తల్లి వచ్చి పోలీస్ స్టేషన్​లో కేసు నమోదు చేసింది. మేము వెంటనే ఆ అపార్ట్​మెంట్​కి వెళ్లి సీసీ కెమెరాలు పరిశీలించాం. అనంతరం బయటకి బాలుడు వెళ్లలేదని తెలుసుకున్నాం. ఆ అపార్ట్​మెంట్​ వెతికిన తరువాత జే బ్లాక్​లో విద్యార్థి మృతదేహాం కనిపించింది. సుమారు రాత్రి 7:30 సమయంలో చనిపోయినట్లు గుర్తించాం. 34వ ఫ్లోర్​ నుంచి దూకి ఆత్మహత్య చేసుకున్నాడని తెలుస్తోంది. దీనిపై కేసు నమోదు చేసుకుని.. ఎలాంటి పరిస్థితుల్లో ఆత్మహత్య చేసుకోవాల్సి వచ్చిందో దర్యాప్తు చేస్తున్నాం." - శ్రీనివాస్, మాదాపుర్​ ఏసీపీ