ఆస్తి తగాదాలు కుటుంబంలో చిచ్చు రేపాయి. మానవత్వం మరచిన కుమారుడు... కన్నవారిపైనే కత్తి దూశాడు. వృద్ధులని కనికరం లేకుండా విచక్షణ రహితంగా దాడి చేసి... కుమారుడనే పేరుకే మచ్చ తీసుకొచ్చాడు. తిరుపతిలో జరిగిన ఈ దుర్ఘటన స్థానికులను దిగ్భ్రాంతికి గురి చేసింది.
తిరుపతిలోని అనంతవీధిలో నివసించే... 85 ఏళ్ల వృద్ధుడు మునికృష్ణయ్య దంపతులపై పెద్దకుమారుడు విజయ్, భార్య, బావమరిదితో కలిసి దాడి చేశాడు. కారంపొడి చల్లి ఇనుప రాడ్డుతో మోదాడు. కోడలి పేరిట ఉన్న 2 సెంట్ల స్థలాన్ని అప్పుల కోసం అమ్మాలనుకోవడమే తప్పైంది. ఈ నిర్ణయంతో ఆగ్రహానికి గురైన కుమారుడు, కోడలు... విచక్షణ కోల్పోయిన ఆ వృద్ధ దంపతులపై దాడి చేశారు. ఈ దాడిని అడ్డుకోవాల్సిన బావమరిది... విజయ్‌కు సహకరించాడు. ఈ ముగ్గురి చర్య స్థానికులను తీవ్ర ఆవేదనకు గురి చేసింది.
కళ్లలో కారం కొట్టి... కన్నవారిపై కుమారుడి దాడి