ఖాతా ఇవ్వలేదని చంపేశాడు

హైదరాబాద్​ జూబ్లీహిల్స్​ పోలీస్​స్టేషన్​ పరిధిలో దారుణం జరిగింది. సరుకులు ఉద్దెర ఇవ్వలేదని దుకాణం యజమాని ప్రాణాలు తీసేశాడు. మద్యం మత్తులో ఉండి పృథ్వి అనే వ్యక్తిని కత్తితో పొడిచి చంపేశాడు.

హైదరాబాద్​ జూబ్లీహిల్స్​ పోలీస్​ స్టేషన్​ పరిధిలోని రహ్మత్​ నగర్​లో ఘోరం చోటుచేసుకుంది. డేవిడ్​ అనే వ్యక్తి పృథ్వి అనే కిరాణా దుకాణం యజమానిని కత్తితో పొడిచి చంపాడు.

ఎందుకు చంపాడు?

దుకాణంలో సరుకులు ఉద్దెర ఇవ్వనందుకు ఇద్దరి మధ్య గొడవ జరిగింది. ఈ విషయమై పృథ్వి జూబ్లీహిల్స్​ ఔట్​పోస్ట్​లో ఫిర్యాదు చేశాడు. పోలీసులు పట్టించుకోలేదు. డేవిడ్​ మద్యం మత్తులో ఉండి పృథ్విని కత్తితో పొడిచి చంపాడు.

సమాచారం అందుకున్న పోలీసులు ఘటనాస్థలానికి చేరుకుని కేసు నమోదు చేశారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు.

ఇదీ చదవండిఃప్రమాదంలో నూతన దంపతుల మృతి