'సరళతర వాణిజ్య సంస్కరణలు వేగవంతం చేయాలి'

సరళతర వాణిజ్య సంస్కరణల కార్యాచరణ ప్రక్రియను ప్రభుత్వం వేగవంతం చేసింది. సచివాలయంలో వివిధ శాఖల అధికారులతో ప్రభుత్వ ప్రధాన కార్యదర్శి సమీక్షించారు. ఈ నెల 15లోపు నివేదిక సమర్పించాలని ఆదేశించారు.

సరళతర వాణిజ్య సంస్కరణల కార్యాచరణ ప్రణాళికకు సంబంధించి ఆయా శాఖల నివేదికలు ఈ నెల 15లోపు సమర్పించాలని ప్రభుత్వ ప్రధాన కార్యదర్శి ఎస్కే జోషి అధికారులను ఆదేశించారు. సచివాలయంలో సరళతర వాణిజ్య విధానంపై సమీక్షించారు. నివేదికలతో పాటు వినియోగదారుల జాబితాను నిర్ధిష్ట నమునాలో అందజేయాలని స్పష్టం చేశారు.

కమర్షియల్ కోర్టుల ఏర్పాటు, ఆన్​లైన్ పోర్టల్​లో వివరాల నమోదు, ఆన్​లైన్​లో కేసుల ఫైలింగ్, సివిల్ కోర్టుల వివరాలు అనుసంధానం, సింగిల్ విండోలో పరిశ్రమ నిర్మాణ అనుమతులు తదితర అంశాలపై సమావేశంలో చర్చించారు. వినియోగదారులను చైతన్యం చేయాలని పరిశ్రమలశాఖ ముఖ్య కార్యదర్శి జయేష్ రంజన్​ అన్నారు. డిసెంబర్​ 2018 నుంచి 31 మార్చి 2019 వరకు వివిధ శాఖల నుంచి లబ్ధిపొందిన వినియోగదారుల వివరాలు అందించాలని తెలిపారు.

ఇవీ చూడండి: పరిషత్ అధ్యక్షుల ఎన్నిక సమన్వయానికి తెరాస ఇంఛార్జీలు