'మళ్లీ ఫైటర్ పైలెట్ గానే'

వింగ్ కమాండర్ అభినందన్​కు అన్ని కోణాల్లో వైద్య పరీక్షలు చేసిన అనంతరం తిరిగి రెండు, మూడు నెలల్లో మళ్లీ యుద్ధ విమానాలను నడిపే అవకాశం ఉందని మాజీ లెఫ్టినెంట్ జనరల్ ఏఆర్​కే రెడ్డి అభిప్రాయపడ్డారు.

పాకిస్థాన్ నుంచి విడుదలైన వింగ్ కమాండర్ అభినందన్... రెండు, మూడు నెలల్లో మళ్లీ యుద్ధ విమానాలను నడిపే అవకాశం ఉందని మాజీ లెఫ్టినెంట్ జనరల్ ఏఆర్​కే రెడ్డి అభిప్రాయపడ్డారు. అభినందన్​కు దిల్లీలో పూర్తిస్థాయిలో అన్ని కోణాల్లో వైద్య పరీక్షలు చేసిన అనంతరం... ఆయన మానసిక స్థితి ఇతర ఆరోగ్య పరిస్థితులు చూశాక విధుల్లో నియమించే అవకాశం ఉందన్నారు.

నచికేత​ను చేసినట్లే...

గతంలో కార్గిల్ యుద్ధ సమయంలో పాకిస్థాన్​కు చిక్కిన నచికేత​ను కూడా అప్పట్లో ఎనిమిది రోజులకు విడుదల చేసింది. కానీ ఆయన ఆరోగ్యం సహకరించకపోవడం వల్ల అతన్ని ట్రాన్స్​పోర్టు పైలట్​గా నియమించినట్లు ఏఆర్​కే రెడ్డి గుర్తు చేశారు. అభినందన్​కు అలాంటి పరిస్థితి ఉండకపోవచ్చని అభిప్రాయపడ్డారు.

ఇవీ చదవండి:వీరుడికి ఘనస్వాగతం