ఇల్లందులో లాక్​డౌన్ నిబంధనలు ఉల్లంఘించిన వాహనాలు సీజ్​

భద్రాద్రి కొత్తగూడెం జిల్లా ఇల్లందులో లాక్​డౌన్​ పటిష్టంగా అమలవుతోంది. లాక్​డౌన్​ నిబంధనలను పోలీసులు కఠినంగా అమలు చేస్తున్నారు. అనుమతి లేకుండా పట్టణంలోకి ప్రవేశించిన వాహనాలను పోలీసులు సీజ్​ చేశారు.

లాక్​డౌన్​ నిబంధనలు ఉల్లంఘించిన వారి రెండు కార్లు, పలు బైకులను భద్రాద్రి కొత్తగూడెం జిల్లా ఇల్లందు పోలీసులు సీజ్​ చేశారు. డీజీపీ మహేందర్ రెడ్డి ఆదేశాల మేరకు పట్టణంలో డీఎస్పీ రవీందర్ రెడ్డి ఆధ్వర్యంలో సీఐ రమేష్ పర్యవేక్షణలో లాక్​డౌన్ మరింత పటిష్ఠంగా అమలు చేస్తున్నారు.

పలు సెంటర్లలో పోలీసుల తనిఖీల నేపథ్యంలో ప్రధాన రహదారులన్నీ నిర్మానుష్యంగా మారాయి. అనుమతి లేని వాహనాలను పట్టణంలోనికి అనుమతించడం లేదు. ప్రతి ఒక్కరూ లాక్​డౌన్​ నిబంధనలు పాటించాల్సిందేనని డీఎస్పీ రవీందర్​రెడ్డి అన్నారు.

ఇదీ చదవండి:రహదారులపైకి వాహనదారులు.. సీజ్ చేస్తున్న పోలీసులు