వందేళ్ల ప్రస్థానం గల బొగ్గు గని మూసివేత

భద్రాద్రి కొత్తగూడెం జిల్లా ఇల్లందు సింగరేణి కాలరీస్ కంపెనీలో వంద సంవత్సరాల చరిత్ర గల 21 ఇంక్లైన్ భూగర్భ గని మూతపడింది. కాలపరిమితి ముగిసిన బొగ్గు గనుల జాబితాలో ఇటీవల సింగరేణి ప్రకటించిన వాటిలో ఈ గని కూడా ఉంది.

భద్రాద్రి కొత్తగూడెం జిల్లా ఇల్లందులో ఉన్న 21 ఇంక్లైన్​ భూగర్భ గని మూతపడింది. ఆంగ్లేయుల కాలంలో ప్రారంభమైన ఈ గని అత్యధిక బొగ్గు ఉత్పత్తులు సాధించి ఎన్నో రికార్డులను కైవసం చేసుకుంది. ఇక్కడ పనిచేసిన ఎందరో... ఉన్నత పదవులను కాంక్షించి సింగరేణిలో డైరెక్టర్ల స్థాయికి ఎదిగారు. దేశంలో విద్యుత్ ఉత్పత్తికి లక్షలాది టన్నుల బొగ్గును అందజేసింది. ఎంతో ఘన చరిత్ర గల ఈ గనిని మూసివేయవద్దని ఉద్యమాలు కూడా జరిగాయి.