భద్రాద్రి రామయ్యకు ప్రత్యేక పూజలు

శ్రీ భగవత్ రామానుజులు జయంతి సందర్భంగా భద్రాచలంలోని శ్రీ సీతారామచంద్ర స్వామి ఆలయంలో ప్రత్యేకపూజలు నిర్వహించారు. భక్తులు అధిక సంఖ్యలో పాల్గొని మొక్కులు తీర్చుకుంటున్నారు.

భద్రాచలంలోని శ్రీ సీతారామచంద్ర స్వామి వారి ఆలయంలోని ఉప ఆలయంలో శ్రీ భగవత్ రామానుజుల జయంతి సందర్భంగా ప్రత్యేక పూజలు నిర్వహించారు. స్వామి విగ్రహానికి పాలు, పండ్లరసాలు, పెరుగు, నెయ్యి వంటి ద్రవ్యాలతో అభిషేకం చేశారు. అనంతరం ధూప దీప నైవేద్యాలు సమర్పించారు. ఈ కార్యక్రమంలో అహోబిల రామానుజ జీయర్ స్వామి పాల్గొని పూజలు నిర్వహించి, ప్రవచనం తెలిపారు.