క్షుద్ర పూజలు చేస్తున్న ముగ్గుర్ని అరెస్ట్​ చేసిన పోలీసులు

లోకం మారుతున్నా కొందరు మాత్రం వారి పద్ధతులు మార్చుకోవడం లేదు. మూఢనమ్మకాలను నమ్మి జైలుపాలవుతున్నారు. బూర్గంపాడు మండలం మొరంపల్లి బంజర గ్రామంలో క్షుద్ర పూజలు చేస్తున్న ముగ్గురిని పోలీసులు అదుపులోకి తీసుకున్నారు.

భద్రాద్రి కొత్తగూడెం జిల్లా బూర్గంపాడు మండలం మొరంపల్లి బంజర గ్రామంలో క్షుద్ర పూజలు చేస్తున్న ముగ్గురిని పోలీసులు అదుపులోనికి తీసుకున్నారు. గ్రామంలోని ఓ ఇంట్లో క్షుద్ర పూజలు చేస్తుండగా గ్రామస్థులు గుర్తించి పోలీసులకు సమాచారం అందించారు.

ఈరోజు సూర్య గ్రహణం కావడం వల్ల చేతబడులు, క్షుద్ర పూజలు చేస్తే ఫలిస్తాయని మూఢనమ్మంతో కొందరు క్షుద్ర పూజలకు తెరలేపారు.