సంక్రాంతి సంబురం... భద్రాద్రి రాములోరి సన్నిధిలో భక్తుల కోలాహలం

మకర సంక్రాంతి పర్వదినం పురస్కరించుకొని భద్రాచలం శ్రీ సీతారామచంద్ర స్వామి వారి ఆలయంలో భక్తుల రద్దీ కొనసాగుతోంది. భక్తులు అధిక సంఖ్యలో తరలిరావడంతో దేవాస్థానం కిటకిటలాడుతోంది. దేవతా మూర్తుల దర్శనం కోసం క్యూ లైన్లలో జనం భారులు తీరారు. సీతారాముల దర్శన భాగ్యంతో భక్తజనులు పరవశించిపోతున్నారు.

భద్రాద్రి కొత్తగూడెం జిల్లా భద్రాచలం శ్రీ సీతారామచంద్ర స్వామి వారి ఆలయంలో భక్తుల రద్దీ కొనసాగుతోంది. మకర సంక్రాంతి పర్వదినం పురస్కరించుకొని వివిధ ప్రాంతాల నుంచి అధిక సంఖ్యలో తరలి వచ్చి దేవతా మూర్తులను దర్శించుకుంటున్నారు.

దర్శన భాగ్యం..

దూర ప్రాంతాల నుంచి భక్తులు అధిక సంఖ్యలో తరలిరావడంతో దేవాస్థానం కిటకిటలాడుతోంది. ఉచిత దర్శనానికి సుమారు గంటకుపైగా సమయం పడుతోంది. స్వామి దర్శన భాగ్యం కోసం జనం క్యూ లైన్లలో వేచి ఉంటున్నారు.

మకర సంక్రాంతి పర్వదినం సందర్భంగా.. లక్ష్మణ సమేత సీతారాముల రథోత్సవం ఈరోజు సాయంత్రం నిర్వహించనున్నారు. రథోత్సవం పురస్కరించుకొని భక్తులు పెద్ద ఎత్తున తరలి వచ్చారు.

ఇదీ చూడండి:అట్టహాసంగా ఐనవోలు మల్లన్న జాతర