శుద్ధజల ప్లాంట్లపై అధికారుల కొరడా

నిబంధనలకు విరుద్ధంగా నిర్వహిస్తున్న శుద్ధజల ప్లాంట్లపై అధికారులు కొరఢా ఝుళిపించారు. కొత్తగూడెం ఆర్డీఓ స్వర్ణలత ఆదేశాల మేరకు వివిధ మండలాల్లో తాహసీల్దార్​లు యంత్రాలను పరిశీలించారు.

భద్రాద్రి కొత్తగూడెం జిల్లాలో అనుమతులు లేని శుద్ధజల ప్లాంట్లలో అధికారులు తనిఖీలు నిర్వహించారు. కొత్తగూడెం ఆర్డీఓ స్వర్ణలత ఆదేశాల మేరకు వివిధ మండలాల్లో తాహసీల్దార్​లు తనిఖీలు చేపట్టారు. జూలూరుపాడు, కాకర్ల బేతాళపాడు, పాపకొల్లు గ్రామాల్లో తాహసీల్దార్ రమేష్ ప్లాంట్​లను పరిశీలించారు. ఐఎస్ఐ మార్క్ లేకుండా నిబంధనలకు విరుద్ధంగా నిర్వహిస్తున్న వాటిని గుర్తించి సీజ్ చేశారు. అనుమతి ఉన్న ప్లాంట్లనే కొనసాగించాలని, నాణ్యతా ప్రమాణాలు తప్పనిసరిగా పాటించాలని తాహసీల్దార్ ఆదేశించారు.

ఇవీ చూడండి : 'విద్యార్థులారా!! ఆత్మవిశ్వాసంతో ముందుకు సాగండి'