కాలపరిమితి ముగిసిన గనులను పరిశీలించిన అధికారులు

భద్రాద్రి కొత్తగూడెం జిల్లా ఇల్లందులోని కాల పరిమితి తీరిన భూగర్భ, బొగ్గు ఉత్పత్తి చేస్తున్న ఉపరితల గనులను సింగరేణి సేఫ్టీ జనరల్​ మేనేజర్​ పరిశీలించారు. వంద సంవత్సరాల కాలపరిమితి పూర్తయిన భూగర్భ గని యంత్ర సామాగ్రిని, గ్యాస్​ ఫైర్​ సీల్​ గోడలను ఆయన తనిఖీ చేశారు.

భద్రాద్రి కొత్తగూడెం జిల్లా ఇల్లందు సింగరేణి ఏరియాలో ఇటీవల వంద సంవత్సరాలు బొగ్గు ఉత్పత్తి చేసి.. కాల పరిమితి తీరిన 21 ఇంక్లైన్​ భూగర్భ గని యంత్ర సామాగ్రి, గ్యాస్​ ఫైర్​ సీల్​ గోడలను సింగరేణి సేఫ్టీ కార్పోరేట్​ జనరల్​ మేనేజర్​ ఎం.మల్లేష్​ తనిఖీ చేశారు.

కాల పరిమితి ముగిసిన గనిలోని సామాగ్రి తగు జాగ్రత్తలతో తరలించాలని, ప్రస్తుతం పనులు జరుగుతున్న ఓపెన్​ కాస్ట్​లో జాగ్రత్తగా విధులు నిర్వర్తించేలా అధికారులు చర్యలు తీసుకోవాలని ఆయన సూచించారు. ఈ తనిఖీలో ఇల్లందు ఏరియా మేనేజర్​ సత్యనారాయణ, అధికారులు శ్రీనివాస్, వెంకటేశ్వర్లు, స్వామి సత్యనారాయణ, వీర్య నాయక్​ తదితరులు పాల్గొన్నారు.

ఇదీ చదవండి:కరోనా వ్యాక్సిన్​ కోసం మళ్లీ ప్లాస్మా దానం