భద్రాద్రి కొత్తగూడెం జిల్లాలో పర్యటించిన పువ్వాడ

భద్రాద్రి కొత్తగూడెం జిల్లాలోని పలు మండలాల్లో మంత్రి పువ్వాడ అజయ్​కుమార్​ పర్యటించారు. హరితహారంలో పాల్గొని మొక్కలు నాటారు. పలు అభివృద్ధి పనులకు శంకుస్థాపనలు, ప్రారంభోత్సవాలు చేశారు.

భద్రాద్రి కొత్తగూడెం జిల్లాలోని భద్రాచలం, బూర్గంపాడు, దుమ్ముడూడెం, చర్ల మండలాల్లో రవాణా శాఖ మంత్రి పువ్వాడ అజయ్​కుమార్​ పర్యటించారు. ఈ సందర్భంగా బూర్గంపాడు మండలం సారపాకలో ఆరో విడత హరితహారం కార్యక్రమంలో భాగంగా ఎంపీ కవిత, ప్రభుత్వ విప్​ రేగా కాంతారావుతో కలిసి మొక్కలు నాటారు.

దుమ్ముగూడెం, చర్ల మండలాల్లో రెండు పడక గదుల ఇళ్ల ప్రారంభోత్సవం, రైతుబంధు వేదిక భవన నిర్మాణానికి శంకుస్థాపనల కార్యక్రమాలకు హాజరయ్యారు. అనంతరం భద్రాచలంలోని శిశు మందిర్ పాఠశాల వద్ద ఏర్పాటు చేసిన హరితహారంలో పాల్గొన్నారు. ఈ సందర్భంగా స్థానిక అంబేడ్కర్​ సెంటర్​లో పలువురు సీపీఎం నేతలు మంత్రి కాన్వాయ్​ని అడ్డుకునేందుకు యత్నించారు. అప్రమత్తమైన పోలీసులు నాయకులను అరెస్టు చేశారు.