రైతు వేదిక నిర్మాణానికి మంత్రి పువ్వాడ శంకుస్థాపన

భద్రాద్రి కొత్తగూడెం జిల్లా బూర్గంపాడు మండలం మొరంపల్లిలో ఏర్పాటు చేయనున్న రైతు వేదిక భవన నిర్మాణానికి రవాణాశాఖ మంత్రి పువ్వాడ అజయ్​కుమార్​ శంకుస్థాపన చేశారు. జిల్లాలో జరుగుతున్న రైతు వేదిక భవనాలను త్వరితగతిన పూర్తిచేయాలని మంత్రి సూచించారు.

రాష్ట్ర ప్రభుత్వం రైతుల కోసం ప్రతి మండలంలోనూ ఏర్పాటు చేయాల్సిన రైతు వేదికలను భద్రాద్రి కొత్తగూడెం జిల్లాలో త్వరితగతిన పూర్తి చేయాలని మంత్రి పువ్వాడ అజయ్​కుమార్​ పేర్కొన్నారు. జిల్లాలోని బూర్గంపాడు మండలం మొరంపల్లిలో ఏర్పాటు చేయనున్న రైతువేదిక భవనానికి ఆయన శంకుస్థాపన చేశారు.

కార్యక్రమంలో ఎమ్మెల్యే రేగా కాంతారావు, కలెక్టర్​ ఎన్వీ రెడ్డి, జడ్పీ ఛైర్మన్​ తదితరులు పాల్గొన్నారు. దేశంలో ఎక్కడా లేనివిధంగా తెలంగాణలో రైతుల కోసం సీఎం కేసీఆర్​ సంక్షేమ కార్యక్రమాలు చేపడుతున్నారని మంత్రి అన్నారు. రైతులందరూ సీఎం సూచించినట్లు ఆయా పంటలను వేసి రైతు బంధు పథకం తీసుకోవాలని సూచించారు.