'కల్నల్​ సంతోష్​ బాబు త్యాగం మరువలేనిది'

భారత్​- చైనా సరిహద్దులో జరిగిన దాడిలో వీర మరణం పొందిన కల్నల్ సంతోష్ బాబుకు ఇల్లందు న్యాయమూర్తి, న్యాయవాదులు నివాళులర్పించారు. దేశం కోసం సైనికులు చేసిన ప్రాణత్యాగం మరువలేనిదని కొనియాడారు.

భద్రాద్రి కొత్తగూడెం జిల్లా ఇల్లందు న్యాయస్థానంలో బార్​ అసోసియేషన్​ సభ్యులు సంతాపసభ నిర్వహించారు. దేశం కోసం ప్రాణాలర్పించిన సంతోష్​బాబు చిత్రపటానికి న్యాయమూర్తి షేక్ మీరా కాసిం సాహెబ్​తో పాటు బార్ అసోసియేషన్ సభ్యులు, న్యాయవాదులు నివాళులర్పించారు. దేశం కోసం పోరాటం చేసి ప్రాణాలర్పించిన సంతోష్​​ బాబుతో పాటు ఇతర సైనికుల త్యాగం మరువలేనిదని కొనియాడారు.

ఇదీ చూడండి:'జవాన్ల త్యాగాలను దేశం మరవదు'