'కల్యాణ లక్ష్మి' మంజూరుకు లంచం... వీఆర్వో అరెస్టు

పేద ప్రజలకు సాయం చేయాలని ప్రభుత్వం ప్రవేశ పెట్టిన కల్యాణ లక్ష్మి పథకాన్ని మంజూరు చేసేందుకు ఓ వీఆర్వో లంచం అడిగింది. తహసీల్దార్ కార్యాలయంలోనే డబ్బులు తీసుకుంటూ ఏసీబీ అధికారులకు చిక్కింది. ఈ ఘటన పాల్వంచలో చోటుచేసుకుంది.

భద్రాద్రి కొత్తగూడెం జిల్లా పాల్వంచ మండంలోని కిన్నెరసాని వీఆర్వో పద్మను ఏసీబీ అధికారులు అరెస్టు చేశారు. ఓ మహిళ కల్యాణ లక్ష్మి పథకాన్ని మంజూరు చేయాలని తహసీల్దార్ కార్యాలయానికి వెళ్లింది. మంజూరు చేయాలంటే పదివేలు లంచం ఇవ్వాలని వీఆర్వో పద్మ డిమాండ్ చేసింది.

బాధితురాలు ఏసీబీ అధికారులను ఆశ్రయించింది. మంగళవారం తహసీల్దార్ కార్యాలయంలో వీఆర్వో పద్మ లంచం తీసుకుంటుండగా ఏసీబీ అధికారులు రెడ్​హ్యాండెడ్​గా పట్టుకున్నారు.

ఇవీ చూడండి:అమెజాన్​లోనూ ఇక మద్యం హోం డెలివరీ!