జూన్​లోగా బీటీపీఎస్‌ నిర్మాణం పూర్తి: జెన్కో డైరెక్టర్

బీటీపీఎస్‌ నిర్మాణ పనులు జూన్​లోగా పూర్తవుతాయని జెన్కో డైరెక్టర్ సచ్చిదానందం స్పష్టం చేశారు. భద్రాద్రి థర్మల్ విద్యుత్ కేంద్రంలోని మూడో యూనిట్​ని ఆయన సింక్రనైజేషన్ చేశారు.

భద్రాద్రి కొత్తగూడెం జిల్లాలోని భద్రాద్రి థర్మల్ విద్యుత్ కేంద్రం (బీటీపీఎస్‌) నిర్మాణ పనులు జూన్​లోగా పూర్తవుతాయని జెన్కో డైరెక్టర్ (ప్రాజెక్ట్స్) సచ్చిదానందం స్పష్టం చేశారు. 270 మెగావాట్ల సామర్థ్యం కలిగిన భద్రాద్రి థర్మల్ విద్యుత్ కేంద్రం మూడో యూనిట్​ని ఆయన సింక్రనైజేషన్ చేశారు. ఆ సమయంలో 33.5 మెగావాట్ల విద్యుత్ ఉత్పత్తి అయింది. ఉత్పత్తి అయిన విద్యుత్​ని గ్రిడ్​కి అనుసంధానించారు.

సింక్రనైజ్ విజయవంతం కావడం పట్ల జెన్కో, బెల్ ఇంజినీర్​లను ఆయన అభినందించారు. మార్చిలోగా యూనిట్ 3 సీఓడీ, యూనిట్ 4 సింక్రనైజేషన్‌.. జూన్​లోపు నాలుగో యూనిట్ సీఓడీ పూర్తవుతుందని ఆశాభావం వ్యక్తం చేశారు. అందుకు సంబంధించిన పనులు వేగంగా జరుగుతున్నాయన్నారు. రూ. 684 కోట్లతో నిర్మించిన ఎఫ్​జీడీ నిర్మాణ పనులకు సంబంధించి ఇంజినీరింగ్ ప్రక్రియ పూర్తయిందన్నారు. రైలు మార్గం నిర్మాణానికి టెండర్ల ప్రక్రియ పూర్తయిందని, భూ సేకరణ జరగగానే పనులు ప్రారంభిస్తామన్నారు.

ఇదీ చూడండి:పేకాటలో ఉద్రిక్తం.. కోడి పందేల్లో యువకుల వివాదం