భద్రాచలంలో భద్రాద్రి కళాభారతి నాటకోత్సవాలు

నాటక కళకు ప్రోత్సహిచడానికి భద్రాద్రి కళాభారతి పేరుతో భద్రాచలంలోని ఆర్టీసీ ఉద్యోగులు నాటకోత్సవాలను నిర్వహిస్తున్నారు. ఈ ఉత్సవాలను నాలుగు రోజుల పాటు వైభవంగా నిర్వహించనున్నట్టు భద్రాద్రి కళాభారతి అధ్యక్షుడు నాగేశ్వరావు తెలిపారు.

మరుగున పడుతున్న నాటక కళలను వెలికితీసేందుకు భద్రాచలంలోని ఆర్టీసీ ఉద్యోగులు తమ వంతు కృషి చేస్తున్నారు. నాటకం ప్రాముఖ్యతను భవిష్యత్తు తరాలకు తెలిపేందుకు ఏటా తెలుగు నాటక ఉత్సవాలు నిర్వహిస్తున్నారు. గత 17 ఏళ్లుగా భద్రాచలంలోని జూనియర్ కళాశాల మైదానంలో ఈ వేడుకలను వైభవంగా నిర్వహిస్తూ వస్తున్నారు.

తాళ్లూరి పంచాక్షరయ్య ట్రస్ట్ పాకాల దుర్గాప్రసాద్ అధ్యక్షతన పట్టణ ప్రముఖులు సహాయంతో 'భద్రాద్రి కళాభారతి' పేరుతో ఈ ఉత్సవాలు నిర్వహిస్తున్నారు. శనివారం మొదలైన ఉత్సవాలు నాలుగు రోజులపాటు ప్రతిరోజు సాయంత్రం జరగనున్నాయి. ఈ వేదిక గత 17 ఏళ్లుగా అనేక మంది సినీ కళాకారులను పరిచయం చేసింది. ప్రస్తుత కాలంలో మనుషుల్లో తగ్గిపోతున్న అనురాగం, ఆప్యాయతలను గుర్తు చేసేందుకు ఇలాంటి కార్యక్రమాలు నిర్వహిస్తున్నట్లు వారు తెలిపారు.

ఇవీ చూడండి:పంట బీమా వల్ల.. రైతుకేది ధీమా..?