భద్రాద్రి కొత్తగూడెం జిల్లా బూర్గంపాడులో మందుబాబుని ఓ మహిళ చితకబాదింది. మండల పరిధిలోని సినిమా హాల్ సెంటర్లో ఓ మహిళ బెల్ట్ షాపు నిర్వహిస్తోంది. సారపాకకు చెందిన ఇద్దరు మందుబాబులు ఆమె దుకాణం వద్దకు వచ్చి మద్యం కొనుగోలు చేసి అక్కడే అతిగా సేవించారు. అనంతరం వారిద్దరూ గొడవపడ్డారు. అది గమనించిన దుకాణం యజమానురాలు వారిని గట్టిగా మందలించింది.
తీసుకున్న మద్యానికి డబ్బులిచ్చి వెళ్లిపోవాలని చెప్పింది. వారిద్దరిలో ఒక వ్యక్తి తాము డబ్బులు ఇవ్వమని ఆమె వాగ్వాదానికి దిగడంతో... వారి మధ్య కాసేపు పెద్ద గొడవ జరిగింది. ఆగ్రహానికి గురైన సదరు మహిళ... అప్పటికే బాగా మద్యం సేవించి ఉన్న వ్యక్తిని రోడ్డు మధ్యలోకి లాక్కొచ్చింది. స్థానికులంతా చూస్తుండగానే మందుబాబుని చితకబాదింది.