భద్రాద్రి డీఎంహెచ్​వో మృతి బాధాకరం : బండి సంజయ్

భద్రాద్రి కొత్తగూడెం జిల్లాకు చెందిన డిప్యూటీ డీఎంహెచ్​ అధికారి నరేష్​కుమార్ కరోనాతో మృతి చెందడం.. తనను తీవ్రంగా కలచివేసిందని భాజపా రాష్ట్ర అధ్యక్షుడు బండి సంజయ్ బాధపడ్డారు. ప్రభుత్వం ఇప్పటికైనా స్పందించి ప్రైవేట్ ఆసుపత్రులను నియంత్రణలోకి తీసుకోవాలని డిమాండ్ చేశారు.

భద్రాద్రి కొత్తగూడెం జిల్లాకు చెందిన డిప్యూటీ డీఎంహెచ్​ అధికారి నరేష్​కుమార్ కరోనాతో మృతి చెందడం.. తనను తీవ్రంగా కలచివేసిందని భాజపా రాష్ట్ర అధ్యక్షుడు బండి సంజయ్​ అన్నారు. జిల్లా వైద్యాధికారికి కూడా సరైన వైద్యం అందించలేకపోవడం చాలా దురదృష్టకరమని బండి సంజయ్ ఆవేదన వ్యక్తం చేశారు. వైద్యాధికారి కుటుంబాన్ని యశోదా ఆసుపత్రిలో రూ. లక్షల బిల్లులు చెల్లించమని వేధించడం హేయమైన చర్యగా ఒక ప్రకటనలో ఆయన అభివర్ణించారు.

'భద్రాద్రి డీఎంహెచ్​వో కరోనాతో మరణించడం బాధాకరం'

ప్రజలకు కరోనా నుంచి కాపాడడానికి ప్రాణత్యాగం చేసిన నరేష్ కుటుంబాన్ని రాష్ట్ర ప్రభుత్వం ఆదుకోవాలని డిమాండ్ చేశారు. కేంద్రం అందించే రూ. 50 లక్షల బీమాకు తోడుగా రాష్ట్ర ప్రభుత్వం రూ. కోటి ఎక్స్​గ్రేషియా చెల్లించాలని బండి సంజయ్ కోరారు. నరేష్​కుమార్ భార్యకు గ్రూప్-1 స్థాయి ప్రభుత్వం ఉద్యోగం కల్పించి ఆదుకోవాలని విజ్ఞప్తి చేశారు. ఇప్పటికైనా ప్రభుత్వం స్పందించాలని.. ప్రైవేట్ ఆసుపత్రులను ప్రభుత్వ నియంత్రణలోకి తీసుకొచ్చి బిల్లులకు కట్టడి చేసి ప్రజలకు భరోసా కల్పించాలని కోరారు.

ఇదీ చదవండి:కాంగ్రెస్​ వర్గీయుల బాహాబాహీ.. ఒకరిపై ఒకరి కేసులు