బాలల దినోత్సవ వేడుకల్లో పాల్గొన్న కలెక్టర్​

భద్రాద్రి కొత్తగూడెం జిల్లాలో బాలల దినోత్సవ వేడుకలను ఘనంగా నిర్వహించారు. కలెక్టర్ రజత్ కుమార్​ సైనీ​ ముఖ్య అతిథిగా హాజరయ్యారు.

భద్రాద్రి కొత్తగూడెం జిల్లాలోని సింగరేణి ఉన్నత పాఠశాలలో మహిళా స్త్రీ శిశు దివ్యాంగ సంక్షేమ శాఖ ఆధ్వర్యంలో బాలల దినోత్సవ వేడుకలు ఘనంగా నిర్వహించారు. కలెక్టర్​ రజత్​ కుమార్​ సైనీ పాల్గొని వేడుకలను ప్రారంభించారు. నెహ్రూ చిత్రపటానికి పూలమాలలు వేసి, నివాళులు అర్పించారు.

వేడుకల్లో వివిధ పాఠశాలల విద్యార్థులు ప్రదర్శించిన సాంస్కృతిక కార్యక్రమాలు, ఫ్యాన్సీ డ్రెస్ పోటీలు చూపరులను ఆకట్టుకున్నాయి. నేటి బాలలే రేపటి సమాజానికి మార్గదర్శకులని కలెక్టర్ రజత్​ కుమార్ అన్నారు. అన్ని శాఖలు బాలల సర్వతోముఖాభివృద్ధికి పాటుపడాలని ఆయన సూచించారు.

ఇవీ చూడండి: సాహసయాత్ర... తండ్రి భయాన్ని ఆ కూతురు జయించేసింది!