అక్రమంగా తరలిస్తున్న 200 కేజీల గంజాయి పట్టివేత

ఆంధ్రప్రదేశ్, ఒడిషా, ఛత్తీస్​గఢ్​ రాష్ట్రాల నుంచి సరిహద్దుల ద్వారా తెలంగాణలోకి అక్రమంగా రవాణా చేస్తున్న 200 కేజీల గంజాయిని భద్రాచలం పోలీసులు స్వాధీనం చేసుకున్నారు. ముగ్గురు నిందితులను అరెస్టు చేశారు.

భద్రాద్రి కొత్తగూడెం జిల్లా భద్రాచలం మీదుగా ఒడిషా నుంచి హైదరాబాద్​కు అక్రమంగా తరలిస్తున్న గంజాయిని పోలీసులు పట్టుకున్నారు. భద్రాచలంలోని ఫారెస్ట్ చెక్ పోస్ట్ వద్ద తనిఖీలు చేస్తుండగా ఒక కారు అనుమానాస్పదంగా కనిపించడం వల్ల ఎస్సై మహేశ్​ సోదా చేశారు.

కారులో అక్రమంగా తరలిస్తున్న 200 కేజీల గంజాయిని స్వాధీనం చేసుకున్నారు. కారును సీజ్​ చేసి.. ముగ్గురు యువకులను అదుపులోకి తీసుకున్నారు. దాని విలువ సుమారు 30 లక్షలు ఉంటుందని పోలీసులు తెలిపారు.

ఇవీ చూడండి:శరవేగంగా వైరస్​ వ్యాప్తి‌.. మూడు వారాల్లోనే మూడు రెట్లు పెరిగిన కేసులు