పిచ్చికుక్క స్వైరవిహారం.. ఏడుగురికి గాయాలు

అదిలాబాద్ జిల్లా ఉట్నూరు మండల కేంద్రంతోపాటు లక్కారంలో ఓ పిచ్చికుక్క స్వైరవిహారం చేసింది. కనిపించిన ఏడుగురు గ్రామస్థులపై దాడి చేసి.. ఆవులను గాయపరిచింది. చివరికి స్థానికుల చేతిలో హతమైంది.

అదిలాబాద్ జిల్లా ఉట్నూరు మండల కేంద్రంతోపాటు లక్కారంలో ఓ పిచ్చికుక్క స్వైరవిహారం చేసింది. కుక్క వీరంగం సృష్టిస్తూ ఏడుగురిని గాయపరిచడమే కాకుండా మూడు ఆవులను కరిచింది. మండలంలోని మత్తడికూడా పంచాయతీ పరిధి సుధాకూడాకు చెందిన భీమ్​రావు, శ్రీ వంశీపై దాడి చేసింది.

రోడ్డుపై నడుస్తుండగా..

గుడ్లూరు మండల కేంద్రానికి వెళ్తూ గంగారాం గోవర్ధన్ అనే వ్యక్తిని గాయపరిచింది. గమనించిన స్థానికులు క్షతగాత్రులను ఆస్పత్రికి తీసుకెళ్లారు. మెరుగైన చికిత్స కోసం ఆదిలాబాద్ రిమ్స్​కు తరలించారు.

పిచ్చి కుక్క కరిచిన వెంటనే వైద్యం చేయించుకోవాలని స్థానిక వైద్యులు సూచించారు. ఈ తతంగం చూసిన యువకులు దాన్ని వెంబడించి ఉట్నూర్ మండల కేంద్రంలో హతమార్చారు. గ్రామంలో రోడ్డుపై తిరగకుండా ప్రత్యేక చర్యలు తీసుకోవాలని స్థానికులు కోరుతున్నారు.

ఇదీ చూడండి:యువతిపై కత్తితో దాడి చేసిన ప్రేమోన్మాది