'రెమ్​డెసివిర్​ అధిక ధరకు విక్రయిస్తే చర్యలు తప్పవు'

రెమ్​డెసివిర్​ ఇంజక్షన్లను అధిక ధరలకు విక్రయించే ఆస్పత్రులపై కఠిన చర్యలు తీసుకుంటామని మంత్రి ఇంద్రకరణ్​ రెడ్డి హెచ్చరించారు. ఆదిలాబాద్​ జిల్లాలో పర్యటించిన ఆయన లాక్​డౌన్​ అమలు, కొవిడ్​ నియంత్రణకు తీసుకుంటున్న చర్యలపై జిల్లా అధికారులతో సమీక్షించారు.

లాక్​డౌన్​ నిబంధనలు కట్టుదిట్టంగా అమలు చేయాలని మంత్రి ఇంద్రకరణ్​ రెడ్డి అధికారులకు సూచించారు. ఉమ్మడి ఆదిలాబాద్​ జిల్లాలో పర్యటించిన మంత్రి.. ఆదిలాబాద్​ జిల్లా కేంద్రంలో అధికారులతో సమీక్షించారు. కొవిడ్​ కట్టడికి తీసుకుంటున్న చర్యలపై ఆరా తీశారు. కొవిడ్​ బాధితుల పట్ల ప్రైవేటు ఆస్పత్రుల యాజమాన్యాలు మానవతా దృక్పథంతో వ్యవహరించాలని సూచించారు.

జిల్లాలో తీసుకుంటున్న చర్యలను కలెక్టర్​ రాహుల్​ రాజ్​, ఇంఛార్జ్​ ఎస్పీ రాజేశ్​ చంద్ర... మంత్రికి వివరించారు. కార్యక్రమంలో ఎమ్మెల్యే జోగు రామన్న, రాఠోడ్​ బాపూరావు, జడ్పీ ఛైర్మన్​ జనార్దన్​ రాఠోడ్​, మున్సిపల్​ ఛైర్మన్​ జోగు ప్రేమేందర్​, ఇతర అధికారులు, ప్రజా ప్రతినిధులు పాల్గొన్నారు.

ఇదీ చూడండి:రాష్ట్రంలో పటిష్టంగా అమలవుతున్న లాక్‌డౌన్‌