ఇప్ప పువ్వు సేకరణలో ఎంపీటీసీ సభ్యురాలు

వేసవి వచ్చిందంటే చాలు ఏజెన్సీ ప్రాంత వాసులు అటవీ ప్రాంతంలో లభించే అటవీ ఫలాలు సేకరిస్తారు. దీనిలో భాగంగా గత 15రోజుల నుంచి ఆదిలాబాద్​ జిల్లాలో ఆదివాసీలు ఇప్ప పువ్వు సేకరణలో నిమగ్నమయ్యారు. వారితోపాటు దంతనపల్లి ఎంపీటీసీ సభ్యురాలు అనసూయ కూడా పాల్గొన్నారు.

లాక్‌డౌన్‌తో కూలీపనులు దొరకడం లేదు. ఆదిలాబాద్ జిల్లా ఉట్నూర్‌ మండలం దంతనపల్లి ఎంపీటీసీ సభ్యురాలు కొడప అనసూయ స్థానికులతో కలిసి అడవిలో లభించే ఇప్పపువ్వు సేకరించటంలో నిమగ్నమయ్యారు. ఈ ఏడాది ఇప్ప పువ్వు విరివిగా ఉందని తెలిపారు. అధికారులు గ్రామాల్లో ఇప్పపువ్వు కొనుగోలు చేయాలని వెంటనే డబ్బులు చెల్లించేలా చూడాలని ఎంపీటీసీ సభ్యురాలు అనసూయ కోరారు.