ఆదిలాబాద్లోని తాటిగూడలో కలకలం రేపిన కాల్పుల ఘటనపై స్థానిక ఎమ్మెల్యే జోగు రామన్న స్పందించారు. ఇదో అమానుష చర్యగా పేర్కొన్నారు. హింసాత్మక చర్యలకు పాల్పడే వారు ఎంతటి వారైనా ఉపేక్షించేలేదని స్పష్టం చేశారు.
ఆదిలాబాద్ జిల్లా ఎంఐఎం అధ్యక్షుడు ఫారుఖ్‌.. అహ్మద్ జమీర్, సయ్యద్పై కాల్పులు జరిపాడు. ఈ ఘటనను ఖండిస్తున్నాం. గన్, కత్తితో దాడి చేయడం దారుణం. ఇలాంటి చర్యలకు పాల్పడితే ఏ పార్టీనా.. అది తెరాసైనా ఇతర ఏ పార్టైనా, ఎంత పెద్ద రాజకీయ నాయకుడైనా చర్యలు తీసుకుంటాం.ఆదిలాబాద్లో ప్రశాంతత కోసం పోలీసులు అన్ని చర్యలు తీసుకుంటున్నారు. మతాలకతీతంగా ప్రతీ ఒక్కరూ ఇలాంటి ఘటనను ఖండించాలి.