ఆర్లిలో కనులవిందుగా జడ కొప్పులాట ప్రదర్శన

ఆదిలాబాద్​ జిల్లాలోని ఆర్లి గ్రామంలో జడ కొప్పులాట చూపరులను ఆకట్టుకుంది. కోలాటాలు చేస్తూ జడలు అల్లడం ఈ నృత్యం ప్రత్యేకత. ఈ కళా ప్రదర్శనను చూడడానికి జనాలు తరలివచ్చారు.

ఆదిలాబాద్ జిల్లా భీంపూర్ మండలం ఆర్లి గ్రామంలో సంప్రదాయ కళా ప్రదర్శన జడ కొప్పులాట ఆకట్టుకుంది. కోలాటం ఆడుతూ చీరలతో జడను అల్లడం ఈ ఆటలోని ప్రత్యేకత. 16 మంది జంటగా నాట్యమాడుతూ లయబద్ధంగా ముందుకు సాగుతూ వివిధ రకాల జడలు అల్లడం చూపరులను ఆకట్టుకుంది.

మండలంలోని వివిధ గ్రామాల నుంచే కాకుండా సరిహద్దులోని మహారాష్ట్ర వాసులు ఈ ఆటను తిలకించేందుకు తరలివచ్చారు. గ్రామంలో తొలుత ఊరేగింపు నిర్వహించారు.

ఇదీ చదవండి:ఐదు స్థానాల్లో ఎంఐఎం అభ్యర్థుల విజయం