రాష్ట్రంలో ఆదిలాబాద్ జిల్లాలోని అడవులే అందరికీ ఆదర్శంగా నిలవాలని ఐటీడీఏ పీవో భవిష్ మిశ్రా పేర్కొన్నారు. ఆదిలాబాద్ జిల్లా ఉట్నూర్ మండలం కేంద్రంలోని ఐటీడీఏ ప్రాంగణంలో అంతర్జాతీయ అటవీ దినోత్సవాన్ని ఘనంగా జరిపారు. అటవీ అధికారుల కృషి అభినందనీయమని ఆయన కొనియాడారు.
ఉట్నూరులో ఘనంగా అటవీ దినోత్సవం
ఆదిలాబాద్ జిల్లా ఉట్నూర్లోని ఐటీడీఏ ప్రాంగణంలో అంతర్జాతీయ అటవీ దినోత్సవాన్ని జరిపారు. అడవులను కాపాడాలని ఐటీడీఏ భవిష్ మిశ్రా సూచించారు. అటవీ అధికారులు, సిబ్బంది ప్రత్యేక ర్యాలీ నిర్వహించారు.
అడవులను కాపాడాలి... ఆదిలాబాద్ అందరికీ ఆదర్శం
ఖాళీగా ఉన్న ప్రాంతాల్లో మొక్కలు నాటాలని సూచించారు. ప్రతి ఒక్కరూ విధిగా ఉద్యోగ బాధ్యతలు నిర్వహిస్తే రానున్న తరాల వారికి మన అడవులు దోహదపడతాయని తెలిపారు. అనంతరం ఐటీడీఏ నుంచి ఐబీ చౌరస్తా, అటవీ శాఖ కార్యాలయం వరకూ ద్విచక్ర వాహన ర్యాలీ నిర్వహించారు. ఈ కార్యక్రమంలో ఎఫ్డీవో అనిత, అటవీ శాఖ ఉద్యోగులు తదితరులు పాల్గొన్నారు.
ఇదీ చదవండి:అటవీ దినోత్సవ శుభాకాంక్షలు తెలిపిన సీఎం