ఈదురుగాలుల బీభత్సం పలువురికి ఆస్తి నష్టం

భారీ వర్షం ఈదురుగాలులతో ఇచ్చోడ మండలంలో కొందరు నిలువ నీడను కోల్పోయారు. ఇంటి పైకప్పులు ఎగిరిపోయి... నిత్యవసర సరుకులు తడిసిపోయాయి.

ఆదిలాబాద్ జిల్లా ఇచ్చోడ మండలంలో భారీ వర్షం ప్రభావంతో తీవ్ర నష్టం వాటిల్లింది. ఉరుములు, మెరుపులతో కూడిన వర్షం, ఈదురు గాలుల ప్రభావం వల్ల ఇంటిపైకప్పు రేకులు ఎగిరిపోయాయి. ఇళ్లలో వర్షపు నీరు చేరి ఫర్నిచర్ దుస్తులు నిత్యవసర సరుకులు తడిసిపోయాయి. విద్యుత్తు తీగలు తెగి పడ్డాయి. అప్రమత్తమైన స్థానికులు విద్యుత్ సరఫరాను నిలిపి వేశారు. ప్రభుత్వం వీటిపై వెంటనే స్పందిచి వెంటనే ఆదుకోవాలని కోరుతున్నారు.