'ఇళ్ల నుంచి బయటకు రావొద్దు'

కూలీ పనుల నిమిత్తం ఇతర ప్రాంతాలకు వెళ్లొచ్చిన వారు ఇళ్లలోనే ఉండాలని జిల్లా ఉప వైద్యాధికారి డాక్టర్​ మనోహర్ పేర్కొన్నారు. ఆదిలాబాద్ జిల్లా దంతాలపల్లి ప్రాథమిక ఆరోగ్య కేంద్రం పరిధిలోని కుమ్మరికుంటను ఆయన సందర్శించారు.

బతుకుదెరువు కోసం ఇతర ప్రాంతాలకు వెళ్లొచ్చిన వారు ఇంటి నుంచి బయటకు రావొద్దని జిల్లా ఉప వైద్యాధికారి డాక్టర్​ మనోహర్ పేర్కొన్నారు. ఆదిలాబాద్ జిల్లా పుట్లూరు మండలం దంతాలపల్లి ప్రాథమిక ఆరోగ్య కేంద్రం పరిధిలోని కుమ్మరికుంటను ఆయన సందర్శించారు. ఈ సందర్భంగా ఖమ్మం, హైదరాబాద్​ నుంచి వచ్చిన పలువురు వలస కూలీలకు వైద్య పరీక్షలు నిర్వహించి వారితో మాట్లాడారు.

ప్రతి ఒక్కరూ భౌతిక దూరం పాటించాలని సూచించారు. ఆరోగ్యంలో ఏదైనా మార్పు కనిపిస్తే వెంటనే వైద్యులను సంప్రదించాలని కోరారు. కరోనా పట్ల వారికి అవగాహన కల్పించారు.