ఒకే కుటుంబంలో ఐదుగురికి కరోనా

ఉట్నూరులోని శాంతినగర్​లో ఒకే కుటుంబానికి చెందిన ఐదుగురికి కరోనా సోకినట్లు జిల్లా వైద్యాధికారి మనోహర్​ వెల్లడించారు.

ఆదిలాబాద్ జిల్లా ఉట్నూరు మండల కేంద్రంలోని శాంతినగర్​లో బుధవారం రాత్రి ఒకే కుటుంబానికి చెందిన ఐదుగురు కరోనా బారినపడినట్లు జిల్లా వైద్యాధికారి మనోహర్​ వెల్లడించారు. మండల కేంద్రంలో ఒకేసారి 5 కేసులు రావడం వల్ల అధికారులు అప్రమత్తమయ్యారు.

బాధితులతో 34 మంది కలిసి ఉన్నట్లు పోలీసులు సమాచారం సేకరించారు. మండల కేంద్రంలోని అన్ని దుకాణాలను మూసి వేయించారు. మరోవైపు పాజిటివ్ వచ్చిన వారు ఎవరెవరిని కలిశారన్న అనుమానంతో ఉట్నూర్ ప్రాంతవాసులు భయాందోళనకు గురవుతున్నారు.