భాజపా నేతలపై అక్రమ అరెస్టులను నిరసిస్తూ ధర్నా

భాజపా నాయకులపై అక్రమ అరెస్టులను నిరసిస్తూ ఆదిలాబాద్​ జిల్లా ఉట్నూరు మండలకేంద్రంలోని ఐబీ చౌరస్తాలో ధర్నా నిర్వహించారు. ఎన్నికల సమయంలో ఇచ్చిన హామీలను నెరవేర్చలేదని ప్రశ్నించిన నాయకులను ప్రభుత్వం అరెస్ట్ చేయడమేంటని భాజపా నేతలు ప్రశ్నించారు.

ఆదిలాబాద్​ జిల్లా ఉట్నూరు మండలకేంద్రంలోని ఐబీ చౌరస్తాలో భాజపా నాయకులు ఆధ్వర్యంలో ధర్నా చేపట్టారు. రాష్ట్ర ప్రభుత్వం అక్రమంగా భాజపా నేతలను అరెస్ట్​ చేయడం సమంజసం కాదని పార్టీ జిల్లా ప్రధాన కార్యదర్శి రమేష్​ పేర్కొన్నారు.

తెలంగాణ ప్రభుత్వం ఎన్నికల సమయంలో ఇచ్చిన వాగ్దానాలను నెరవేర్చకుండా.. వాటిని ప్రశ్నించినందుకు భాజపా నాయకులపై అక్రమ అరెస్టులు చేయడం విడ్డూరంగా ఉందని రమేష్​ అన్నారు. అనంతరం గంగుల శ్రీనివాస్​ మృతికి సంతాపం తెలుపుతూ రెండు నిమిషాలు మౌనం పాటించారు.

ఇదీ చదవండి:ఆ పరిస్థితిని కేసీఆర్ ప్రభుత్వం కొనితెచ్చుకోవద్దు: బండి సంజయ్