వలస కూలీలకు అన్నం పెట్టిన భాజపా నేత

కరోనా  నియంత్రణకు విధించిన లాక్​డౌన్​ వల్ల చాలామంది వలస కూలీలు కాలినడకన సొంతూళ్లకు తరలి వెళ్తున్నారు. ప్రభుత్వాలు వలస కూలీలను తరలించడానికి వాహనాలు ఏర్పాటు చేసినా.. ఇంకా చాలామంది  కాలినడకనే.. స్వస్థలాలకు పయనమయ్యారు.

లాక్​డౌన్​ నేపథ్యంలో చాలామంది వలస కూలీలు నడుస్తూనే సొంతూళ్లకు బయల్దేరారు. ఉపాధి కోసం వచ్చిన వందలాది వలస కుటుంబాలు పని లేక.. తిండికి తిప్పలు పడలేక సొంతూళ్ల బాట పట్టారు. వందలాది వలస కూలీలు హైదరాబాద్​ నుంచి రాజస్థాన్​, హర్యానా రాష్ట్రాలకు ఆదిలాబాద్​ గుండా నడిచి వెళ్తున్నారని తెలిసి భాజపా జిల్లా అధ్యక్షుడు పాయల్​ శంకర్​ జిల్లా సరిహద్దులోని పిప్పర్వాడ వద్ద వారిని కలుసుకున్నారు. వారికి భోజన ఏర్పాట్లు చేశారు. వలస కార్మికుల కోసం ప్రభుత్వం వాహనాలు ఏర్పాటు చేసిందని, అందరూ.. ఆ వాహనాలు ఉపయోగించుకోవాలని సూచించారు.

ఇదీ చూడండి:మండుతున్న ఎండలు