కలెక్టరేట్ ఎదుట అంగన్​వాడీల ధర్నా

అంగన్​వాడీ కేంద్రాలను విలీనం చేసే ప్రక్రియను నిలిపివేయాలని డిమాండ్ చేస్తూ ఆదిలాబాద్​ జిల్లా కేంద్రంలోని కలెక్టరేట్​ ఎదుట అంగన్​వాడీ కార్యకర్తలు ధర్నా చేపట్టారు.

ఆదిలాబాద్ జిల్లా కేంద్రంలోని కలెక్టరేట్ ఎదుట సీఐటీయూ ఆధ్వర్యంలో అంగన్​వాడీ కార్యకర్తలు ధర్నా నిర్వహించారు. అంగన్​వాడీ కేంద్రాలను విలీనం చేయాలన్న ప్రభుత్వ నిర్ణయానికి వ్యతిరేకంగా నినాదాలు చేశారు. ఆయా ప్రాంతాల నుంచి వచ్చిన అంగన్​వాడీ సిబ్బంది కలెక్టరేట్ ప్రధాన ద్వారం ఎదుట బైఠాయించి నిరసన తెలిపారు.

ధర్నాలో సీఐటీయూ జిల్లా కార్యదర్శి రాజేందర్, జిల్లా ఉపాధ్యక్షులు చిన్నన్న, అంగన్​వాడీ సంఘ అధ్యక్షురాలు వెంకటమ్మ, కార్యదర్శి సునీత తదితరులు పాల్గొన్నారు.

ఇవీ చూడండి: గాంధీభవన్ వద్ద ఉద్రిక్తత.. తిరంగ ర్యాలీని అడ్డుకున్న పోలీసులు