వరి కొనుగోలు కేంద్రాన్ని ప్రారంభించిన ఆదిలాబాద్​ జేసీ..

ఆదిలాబాద్​ జిల్లా ఉట్నూర్​ మండలం బీర్​సాయి పేటలో వరి కొనుగోలు కేంద్రాన్ని ఆదిలాబాద్ జేసీ సంధ్యారాణి ప్రారంభించారు. రైతులకు ఎలాంటి సమస్యలు కలగకుండా చూడాలని ఆమె ఆధికారులను ఆదేశించారు.

రైతులు పండించిన వరి పంటను కొనుగోలు చేసేందుకు వచ్చిన సమయంలో ఎలాంటి ఇబ్బందులు లేకుండా చూడాలని ఆదిలాబాద్​ జిల్లా జేసీ సంధ్యారాణి పేర్కొన్నారు.

గురువారం ఆదిలాబాద్​ జిల్లా ఉట్నూర్​ మండలం బీర్​సాయి పేటలో ఐకేపీ వారి ఆధ్వర్యంలో ఏర్పాటు చేసిన వరికొనుగోలు కేంద్రాన్ని జేసీ సంధ్యారాణి, ఉట్నూర్​ ఎంపీపీ జయవంత్​రావు ప్రారంభించారు.

ముందుగా రైతులతో మాట్లాడి వారి సమస్యలను అడిగి తెలుసుకున్నారు. రైతులు వరికోత కోసేందుకు యంత్రాలను పంపిణీ చేయాలని కోరారు. రైతులు పండించిన పంటను ఏర్పాటు చేసిన కొనుగోలు కేంద్రాల్లో అమ్మకాలు జరపాలని సూచించారు.

• ఇదీ చదవండి :హైదరాబాద్​లో విద్వేషాలు రెచ్చగొట్టే కుట్ర.. సహించం: కేటీఆర్