ఒలింపిక్స్​ తొలి గోల్డ్​ మెడల్​ చైనాదే..

టోక్యో ఒలింపిక్స్​-2020లో చైనా బోణీ కొట్టింది. తొలి బంగారు పతకం ఆ దేశాన్నే వరించింది. మహిళల షూటింగ్​ 10. మీ ఎయిర్​ రైఫిల్​ విభాగంలో యాంగ్​ క్యాన్​ ఈ ఘనత సాధించింది.

టోక్యో ఒలింపిక్స్​లో తొలి గోల్ట్​ మెడల్​ చైనానే వరించింది. షూటింగ్​.. మహిళల 10.మీ ఎయిర్​ రైఫిల్​ విభాగంలో చైనా క్రీడాకారిణి యాంగ్​ క్యాన్​ బంగారు పతకం సాధించింది.

శనివారం(జులై 24) జరిగిన ఫైనల్​లో 251.8 పాయింట్లతో ప్రపంచ రికార్డు సృష్టించింది. రష్యా ఒలింపిక్​ కమిటీ(ఆర్​ఓసీ) షూటర్​ 251.1 పాయింట్లతో రజతానికి పరిమితమైంది. స్విట్జర్లాండ్​ క్రీడాకారిణికి కాంస్యం దక్కింది.

షూటింగ్​లో పతకాలు సాధించిన క్రీడాకారిణులు

మన షూటర్లు విఫలం..

అంతకుముందు క్వాలిఫికేషన్​ రౌండ్​లో మన షూటర్లు పూర్తిగా నిరాశపర్చారు. ఎలవెనిల్​ వలరివన్​(16), అపూర్వి చండేలా(36) స్థానాల్లో నిలిచారు. టాప్​-8 వారికే ఫైనల్​ రౌండ్​ చోటు దక్కింది.