టోక్యో ఒలింపిక్స్‌లో(Tokyo Olympics) నెదర్లాండ్స్‌ అమ్మాయి సిఫాన్‌ హసన్.. అద్భుతం చేసింది. 1500 మీటర్ల పరుగు హీట్స్‌లో మొదట తడబడి పడిపోయిన సిఫాన్‌.. మళ్లీ లేచి పరుగు ప్రారంభించింది. ఒక్కొక్కరిని దాటుకుంటూ ఫినిషింగ్‌ లైన్‌ను అందుకుంది. ఆమె 4 నిమిషాల 05.17 సెకన్లలో లక్ష్యాన్ని చేరి అగ్రస్థానంలో నిలిచింది. సిఫాన్‌ ఇలా పుంజుకుని గెలిచిన వీడియో సామాజిక మాధ్యమాల్లో విస్తృతం అవుతోంది.
2019 ప్రపంచ ఛాంపియన్‌షిప్‌లో 1500 మీటర్లు, 10,000 మీటర్లలో పసిడి పతకాలు గెలిచిన ఇఫాన్‌.. టోక్యోలో ఈ రెండు పతకాలకు తోడు 5000 మీటర్ల స్వర్ణం సాధించాలని లక్ష్యంగా పెట్టుకుంది. ఇథియోపియాలో పుట్టిన ఇఫాన్‌.. 15 ఏళ్ల వయసులో శరణార్థిగా నెదర్లాండ్స్‌కు వచ్చి స్థిరపడింది. ఒకవైపు నర్సుగా పని చేస్తూనే అథ్లెటిక్స్‌లోనూ సత్తా చాటుతోంది. ఒక మైలులో ప్రపంచ రికార్డు (4 నిమిషాల 12.33 సెకన్లు) ఆమె పేరిటే ఉంది.