టోక్యో పారాలింపిక్స్లో అద్భుత ప్రదర్శన చేసిన టేబుల్ టెన్నిస్ క్రీడాకారిణి భవీనాబెన్ పటేల్కు (Bhavina Patel).. ప్రధాని నరేంద్ర మోదీ (PM Modi) శుభాకాంక్షలు తెలిపారు. ఫైనల్ పోరులో ఎటువంటి ఒత్తిడికి గురికావద్దని సూచించారు. భవీనా విజయం కోసం దేశమంతా ప్రార్థిస్తుందని ప్రధాని తెలిపారు.
"అద్భుత విజయాన్ని సాధించిన భవీనాకు శుభాకాంక్షలు. దేశం మొత్తం నీ విజయం కోసం ప్రార్థిస్తుంది. తుదిపోరులో ఎలాంటి ఒత్తిడికి గురికాకుండా నీ కలను సాకారం చేసుకోవాలి. రేపటి నీ గెలుపును ఆస్వాదించడానికి యావత్ భారతావని ఎదురుచూస్తోంది. నీ ఆట భవిష్యత్ తరాలకు స్ఫూర్తినిస్తుంది" అని మోదీ ట్వీట్ చేశారు.