కాంస్యం గెలుపుతో హాకీ క్రీడాకారుల ఇంటి వద్ద సంబరాలు
భారత హాకీ క్రీడాకారుల ఇంటి వద్ద పండగ వాతావరణం నెలకొంది. టోక్యో ఒలింపిక్స్లో టీమ్ఇండియా కాంస్యం సాధించిన ఆనందంలో క్రీడాకారుల కుటుంబ సభ్యుల సంబరాలు అంబరాన్ని అంటాయి. స్వీట్లు పంచి, డ్యాన్సులు చేసి సంతోషాన్ని పంచుకుంటున్నారు.
మ్యాచ్ అనంతరం పంజాబ్లోని కుటుంబ సభ్యులతో తన సంతోషాన్ని పంచుకున్నాడు హాకీ ఇండియా క్రీడాకారుడు మన్దీప్ సింగ్. వీడియో కాల్లో తల్లిదండ్రులతో మాట్లాడాడు.
కుటుంబ సభ్యులతో వీడియో కాల్లో మన్దీప్ సింగ్
గురువారం జరిగిన పోరులో జర్మనీపై 5-4 తేడాతో గెలిచిన టీమ్ఇండియా.. 41 తర్వాత దేశానికి ఒలింపిక్ పతకం సాధించి పెట్టింది. దీంతో దేశవ్యాప్తంగా హర్షాతిరేకాలు వ్యక్తమవుతున్నాయి.