వింబుల్డన్​ నుంచి వైదొలిగిన ఒసాకా

జపాన్ స్టార్ టెన్నిస్ ప్లేయర్ నవోమీ ఒసాకా(Naomi Osaka) వింబుల్డన్(Wimbledon 2021)​ నుంచి తప్పుకొంది. ఒలింపిక్స్​ సన్నద్ధత కోసం ఈ నిర్ణయం తీసుకుంటున్నట్లు వెల్లడించింది.

జపాన్ స్డార్ టెన్నిస్ ప్లేయర్ నవోమీ ఒసాకా(Naomi Osaka) వింబుల్డన్(Wimbledon 2021) నుంచి తప్పుకొంటున్నట్లు తెలిపింది. ఒలింపిక్స్ సన్నద్ధత కోసం ఈ నిర్ణయం తీసుకున్నట్లు వెల్లడించింది. ఇటీవల జరిగిన ఫ్రెంచ్ ఓపెన్​ నుంచి కూడా అనూహ్యంగా వైదొలిగింది ఒసాకా. మొదటి రౌండ్ గెలిచాక ప్రెస్ కాన్ఫరెన్స్​కు హాజరు కాలేకపోవడం వల్ల ఆమెకు అధికారులు జరిమానా విధించారు. దీంతో ఆమె ఈ నిర్ణయం తీసుకుంది.

ఇప్పటికే స్టార్ ప్లేయర్ రఫెల్ నాదల్​ వింబుల్డన్​తో పాటు ఒలింపిక్స్​ నుంచి తప్పుకొంటున్నట్లు వెల్లడించాడు. గాయం కారణంగా ఈ నిర్ణయం తీసుకున్నట్లు వెల్లడించాడు.