భూకంపం వస్తే ఏంటి.. మాకు ఆటే ముఖ్యం!

మెక్సికన్ ఓపెన్​లో జ్వెరెవ్-కోఫర్ తలపడుతోన్న సమయంలో స్టేడియంలో భూకంపం వచ్చింది. అయినా వారిద్దరూ ఆటను కొనసాగించారు.

మెక్సికన్​ ఓపెన్​లో భూకంపం ప్రేక్షకుల్ని భయభ్రాంతులకు గురిచేసింది. అలెగ్జాండర్ జ్వెరెవ్, డొమినిక్ కోఫర్ తలపడుతున్న సమయంలో ఈ ఘటన చోటు చేసుకుంది. ఓవైపు ప్రకంపనలు వస్తోన్న ఆటను మాత్రం ఆపలేదు వీరిద్దరూ.

కోఫర్ రెండో సెట్​లో సర్వ్ చేస్తున్న సమయంలో భూమి కంపించింది. టెలివిజన్ కెమెరాలు కూడా షేక్ అయ్యాయి. కానీ జ్వెరెవ్, కోఫర్ మాత్రం పాయింట్ సాధించే వరకు వారి ఆటను కొనసాగించారు. ఈ మ్యాచ్​లో జ్వెరెవ్​ 6-4, 7-6(5)తేడాతో ప్రత్యర్థి కోఫర్​ను ఓడించాడు. తద్వారా టోర్నీలో ఫైనల్​కు చేరుకున్నాడు.